گوجرانوالہ : خوفناک ٹریفک حادثے میں 12 افراد جاں بحق ، متعدد زخمی 

جی این این کے مطابق افسوس ناک حادثہ  اس وقت پیش آیا جب سرگودھا سے گوجرانوالہ جا نیوالی دو مسافر ویگنیں سڑک پر کھڑے ڈمپر سے ٹکرا گئیں ۔ 

ڈرائیور ڈمپر بیچ سڑک  روک کر  سو گیا تھا جس کے نتیجے میں  دوسری سمت سے آنیوالی مسافر بسیں ڈمپر سے جالگیں ۔ حادثے میں 12 افراد موقع پر  دم توڑ گئے جبکہ 10 زخمی ہوئے ہیں ۔ جاں بحق افراد میں 6خواتین اور ایک بچہ شامل ہے ۔

ڈمپر ڈرائیور حادثے کے بعد موقع سے فرار ہوگیا ۔ 

حادثے کی اطلاع ملتے ہی  پولیس اور امدادی ٹیمیں موقع پر پہنچ گئیں  اور گاڑیوں میں پھنسے  زخمیوں کو نکال کر ہسپتال منتقل کیا جارہا ہے ۔ 

ریسکیو کے مطابق جاں بحق 12 افراد میں سے بیشتر کا تعلق ایک ہی خاندان سے ہے اور ان کا تعلق تعلق محلہ گرجاکھ سے ہے ۔  

جاں بحق افراد سرگودھا میں دربار پر حاضری کے بعد واپس آرہے تھے کہ خوفناک حادثے  کا شکار ہوگئے ۔