کراچی بم دھماکے کا مقدمہ سی ٹی ڈی تھانے میں درج کرلیا گیا

پولیس کے مطابق مقدمہ ایس ایچ او پریڈی کی مدعیت میں درج کیا گیا اور مقدمے میں انسداد دہشت گردی کی دفعات شامل کی گئی ہیں۔

پولیس کا کہنا ہے کہ مقدمے میں  بم ڈسپوزل( بی ڈی)  رپورٹ کو بھی شامل کیا گیا ہے۔

واضح رہے کہ گزشتہ شب کراچی کے علاقے صدر میں داؤد پوتہ روڑ پر دھماکا ہوا جس کے نتیجے میں ایک شخص جاں بحق اور 13 زخمی ہوگئے جبکہ کئی گاڑیوں کونقصان پہنچا ہے۔