سعودی عرب : سامان کے اندر آبِ زم زم لے جانے پر پابندی عائد

سعودی ایوی ایشن اتھارٹی کے مطابق  مسافروں کیلئے سامان کے اندر آبِ زم زم لے جانے پر پابندی عائد کردی گئی ہے۔

ترجمان سعودی ایوی ایشن اتھارٹی  کا اس حوالے سے کہنا ہے  کہ تمام ایئرلائنز کو نئے ہدایت نامے پر سختی سے عمل کرنا ہوگا۔

سعودی ایوی ایشن اتھارٹی نے کہا کہ تمام ائرلائنز  یقینی بنائیں کہ جدہ یا مملکت کے کسی بھی ائیرپورٹ سے روانہ ہونے والے مسافروں کے سامان میں آبِ زم زم کی بوتلیں شامل نہ ہوں۔

ترجمان کا مزید کہنا تھا  کہ ہدایت پر عمل نہ کرنے پر میں ائیرلائنز کے خلاف کارروائی ہوگی ۔

واضح رہے کہ مسلمانوں کیلئے آب زم زم کو خصوصی اہمیت حاصل ہے ۔ مکہ  مکرمہ میں زمزم کے کنوئیں سے پانی نکلنے کا سلسلہ ہزاروں برس سے جاری ہے۔  ساری دنیا سے حجاج  اور معتمر اس کو اپنے وطن میں موجود عزیز و اقارب کے واسطے بطور ہدیہ لے کر  جاتے ہیں ۔