لاہور بار نے حقیقی مارچ میں شمولیت کا اعلان کر دیا:شاہ محمود قریشی

گوجرانوالہ جلسے سے خطاب میں سابق وزیر خارجہ شاہ محمود قریشی نے کہا کہ جلسہ گاہ بھر چکا ہے اور اتنی ہی تعداد جلسہ گاہ سے باہر ہے، تحریک پاکستان کے بعد ایک نیا سیاسی طوفان ابھرتا نظر آ رہا ہے،  روک سکتے ہو تو روک لو اب یہ طوفان رکنے والا ہے نہ تھمنے والا ہے،سیاسی تبدیلی سے پہلے ایک سیاسی ہوا بنتی ہے، آج گوجرانوالہ کے لوگوں نے وہ سیاسی ہوا بنا دی ہے۔

انہوں نے کہا کہ آج ایشیا کی سب سے بڑی بار لاہور بار نے عمران خان کا استقابل کیا، لاہور بار نے نہ صرف عمران خان کا ساتھ دینے وعدہ کیا ہے بلکہ حقیقی مارچ میں شمولیت کا اعلان بھی کر دیا ہے، شہباز شریف تیاری کرلو عمران خان کا قافلہ آ رہا ہے۔

شاپ محمود قریشی نے کہا کہ گرمی کی شدت کے باوجود گوجرانوالہ پیغام دینے آیا ہے، اس ملک کو بچانا ہے تو ایک دیانتدار اور غیور لیڈر کی ضرورت ہے، عمران خان کی صورت میں وہ لیڈر نظر آگیا ہے، 11 جماعتیں ایک طرف اور بیرونی و اندورنی قوتیں ایک طرف ہیں۔

انہوں نے کہا کہ اب سے پہلے سنا کرتے تھے کہ گوجرانوالہ پاکستان مسلم لیگ (ن) کا گڑھ ہے، آج گوجرانوالہ کے غیور عوام نے ن لیگ کا صفایا کر دیا ہے۔