چیف جسٹس نے حکومت کی جانب سے آزادانہ تحقیقات میں مداخلت پر از خود نوٹس لے لیا

تفصیلات کے مطابق تفتیشی اداروں کی آزادانہ تحقیقات میں حکومت کی مسلسل مداخلت پر سپریم کورٹ نے سوموٹو نوٹس لے لیا ہے جس پر چیف جسٹس کی سربراہی میں 5 رکنی لارجر بینچ 19 مئی کو 1 بجے سماعت کرے گا۔

سپریم کورٹ کے نوٹس کے مطابق افسروں کے تبادلوں اور تحقیقات میں مداخلت سے نظام انصاف میں خلل پڑ سکتا ہے، حکومتی مداخلت سے شواہد ضائع ہونے اور پراسیکیوشن پر اثر انداز ہونے کا خدشہ ہے۔

کہا گیا ہے کہ اہم افسران کی ٹرانسفر، پوسٹنگ نظام انصاف میں مداخلت اور احتساب قوانین میں تبدیلی نظام انصاف کو نیچا دکھانے کے مترادف ہے۔

اس حوالے سے رپنما پاکستان تحریک انصاف فواد چودھری نے سماجی رابطے کی ویب سائیٹ ٹوئیٹر پر جاری پیغام میں کہا کہ پاکستان کے عوام کو ایک اور بہت بڑی فتح مبارک ہو، سپریم کورٹ آف پاکستان نے آزادانہ انویسٹیگیشن میں حکومتی مداخلت کا نوٹس لیا ہے۔

پاکستان کے عوام کو ایک اور بہت بڑی فتح مبارک ہو، سپریم کورٹ نے آزادانہ انویسٹیگیشن میں حکومتی مداخلت کا نوٹس لیا ہے، چیف جسٹس کا یہ اقدام قانون کی عملداری اور رول آف لاء کے ضمن میں ایک بہت بڑا قدم ہے،امید ہے FIA اور نیب جیسے اداروں میں مقدمات کو تباہ کرنے کا کام اب نہیں ہو سکے گا https://t.co/wEBVlAydWc

— Ch Fawad Hussain (@fawadchaudhry) May 18, 2022

سابق وفاقی وزیر نے کہا کہ چیف جسٹس آف پاکستان کا یہ اقدام قانون کی عملداری اور رول آف لاء کے ضمن میں ایک بہت بڑا قدم ہے،ایف آئی اے اور نیب جیسے اداروں میں مقدمات کو تباہ کرنے کا کام اب نہیں ہو سکے گا۔