دورہ پاکستان:سری لنکن ویمنز کرکٹ ٹیم کراچی پہنچ گئی

تفصیلات کے مطابق سری لنکن ویمنز کرکٹ ٹیم ٹی20 اور ون ڈے میچز کی سیریز کے لیے کراچی پہنچ گئی ہے، ہوٹل پہنچنے کے بعد مہمان ٹیم کے کھلاڑیوں اور آفیشلز کے کورونا ٹیسٹ ہوں گے۔

پاکستان اور سری لنکا کی ٹیمیں 21 مئی سے ساؤتھ اینڈ کلب میں ٹریننگ کریں گی،ٹی 20 سیریز کے میچز 24، 26 اور 28 مئی کو کھیلے جائیں گے، ٹی 20 میچز کے بعد ایک روزہ میچز سیریز بھی کراچی میں ہی شیڈول ہے۔

2005ء میں سری لنکن ویمنز ٹیم ایشیا کپ کے لیے کراچی آئی تھی، یہ پہلا موقع ہے کہ دونوں ٹیموں کے مابین ون ڈے اور ٹی20 سیریز پاکستان میں ہورہی ہے