لانگ مارچ کو اسلام آباد آنے دینا ہے یا نہیں اتحادی فیصلہ کریں گے:راناثناءاللہ

بہاولپور میں میڈیا سے گفتگو کرتے ہوئے وزیر داخلہ رانا ثناء اللہ نے کہا کہ لانگ مارچ کے اسلام آباد میں داخلے فیصلہ اتحادی کریں گے،اگر لانگ مارچ کو روکنے کا فیصلہ ہوا تو انہیں گھروں سے بھی نہیں نکلنے دیں گے، افراتفری کی کوشش کی گئی تو گرفتاریاں ہوں گی،قانون اپنا راستہ بنائے گا۔

وزیر داخلہ نے کہا کہ لانگ مارچ کی کال پر اتحادی رہنماؤں نے فیصلہ کرنا ہے،روکنے کا فیصلہ کیا گیا تو ان کو گرفتار کریں گے، سائبر ایکٹ موجود ہے لیکن مؤثر نہیں، اس قانون کو مل بیٹھ کر تبدیل کرنا ہوگا۔

انہوں نے کہا کہ آج پاکستان کی بنیاد ایٹمی قوت ہے، اگر پاکستان اسلامی ایٹمی قوت نہ بنتا تو دشمن ہمیں زیر کردیتا،28 مئی کو یوم تکبیر ہے، وزیر اعظم شہباز شریف اور مریم نواز جلسہ سے خطاب کریں گے، حالات مناسب نہ ہونے پر حمزہ شہباز نمائندگی کریں گے۔