ایبٹ آباد: مسافر کوسٹر کھائی میں  گرنے سے 10 افراد جاں بحق ، متعددزخمی

ترجمان ریسکیو کے مطابق مری کے قریب خیرہ گلی میں دو مسافر کوسٹرز میں تصادم ہوا ، تصادم کے باعث ایک کوسٹر گہری کھائی میں گر گئی ،  جس کے نتیجے میں اب تک 10  افراد جاں بحق  ہوگئے جبکہ 30 زخمی  ہو ئے ہیں ڈی ایس پی ایبٹ آباد یاسین جنجوعہ کے مطابق  زخمیوں میں 8 کی حالت تشویش ناک ہے ۔ 

ریسکیو حکام  کے مطابق کوسٹر میں 30 سے زائد  مسافر  سوار تھے۔ 

کھائی میں گرنے کے بعد ریسکیو آپریشن شروع کردیا گیا ، ریسکیو 1122مری اور  کے پی کے اہلکار امدادی آپریشن میں مصروف ہیں ،  کھائی گہری  ہونے کے باعث امدادی کارروائیوں میں   مشکلات کا سامنا ہے ۔ 

ترجمان ریسکیو کے مطابق حادثہ کے زخمیوں کو تحصیل ہیڈ کوارٹر اسپتال مری منتقل کیا جائے گا۔