کورونا ویکسی نیشن : این سی او سی کی عازمین حج کے لیے اہم ہدایات

تفصیلات کے مطابق نیشنل کمانڈ اینڈ آپریشن سینٹر( این سی او سی) نے عازمین حج کو سہولت فراہم کرنے کے لیے کوویڈ 19 کے لیے ویکسی نیشن کے دورانیے کواپ  ڈیٹ  کردیا ہے۔

اس حوالے سے این سی اوسی کا کہنا ہے کہ یہ نئی گزارشات عازمینِ حج کے لیے سعودی حکومت کے کووڈ-19 ویکسی نیشن کے تقاضوں کی تعمیل کرنے میں مدد دے گی۔

قومی ادارہ برائے صحت کے مطابق ای موڈرنا اورفائزرویکسین ملک بھرمیں دستیاب ہے اورعازمین حج کسی بھی کورونا ویکسی نیشن مرکزسے بوسٹرخوراک حاصل کرسکتے ہیں۔

سعودی عرب کے محکمہ صحت کی جانب سے جاری  اعلامیے کے مطابق عازمین حج کے لیے کورونا وائرس کی چار ویکسین (موڈرنا، فائزر، ایسٹرا زینیکا اورجانسن اینڈ جانسن) میں سے کسی ایک ویکسین کی دوخوارک لگوانا لازمی ہے۔

سعودی محکمہ صحت کی ان ہدایات کے تناظرمیں این سی اوسی نے سفرحج پرجانے والے افراد کو یہ سہولت فراہم کردی ہے کہ وہ اپنی پہلی یا دوسری خوراک کے 28 دن کے بعد مطلوبہ ویکسین کی اضافی/ بوسٹرخوراک حاصل کرسکتے ہیں۔

واضح رہے کہ سعودی عرب کی جانب سے رواں سال کے لیے جاری کیے گئے حج کوٹہ کے مطابق  سال 2022 میں  10 لاکھ ملکی اور غیر ملکی افراد حج کی سعادت حاصل کریں گے۔