ایران میں مسافر ٹرین پٹری سے اُتر گئی ، 13 افراد ہلاک 

غیرملکی میڈیا کے مطابق  مشرقی ایران میں آج ( بدھ ) کی صبح ایک مسافر ٹرین پٹری سے اتر گئی جس کے نتیجے میں اب تک  13 مسافر ہلاک اور50 سے زائد  زخمی ہوگئے۔

میڈیا رپورٹس کے مطابق ہلاکتوں کی تعداد میں اضافے کا خدشہ ہے جبکہ متعدد افراد کی حالت تشویشناک ہے ۔

جائے حادثہ پر امدادی کاروائیاں جاری ہیں، ا  یمبولینس اور ریسکیو ٹیموں کے ساتھ تین ہیلی کاپٹر دور دراز علاقے میں حادثے کی جگہ پر پہنچ چکے ہیں ۔

غیرملکی میڈیاکے مطابق ابتدائی  رپورٹ کے مطابق حادثہ  ٹرین کےکرین کےساتھ ٹکرانے کےسبب پیش آیا۔ ٹرین کی سات میں سے چار بوگیاں پٹری سےاتریں،تحقیقات کا آغاز کردیاگیا ہے ۔ 

ایران میں تقریبا 14 14،000 کلومیٹر (8،700 میل) ریلوے لائنیں ہیں ،  2004 میں  بھی ایران میں خوفناک ٹرین حادثہ پیش آیا تھا ، جب پٹرول ، کھاد ، گندھک اور کپاس سے لدی ٹرین نیشاپور کے قریب حادثے کا شکار ہوئی ، جس میں تقریبا 3 320 افراد ہلاک اور 460  زخمی ہوئےتھے ۔