میڈیا عمران خان کو کم دکھایا کرے،مریم نواز کی اپیل

میڈیا سے گفتگو میں مریم نواز کا کہنا تھا کہ پٹرولیم مصنوعات کی قیمتوں میں اضافے کیساتھ عوام کو 28ارب کا ریلیف پیکج دیا،آٹا چینی سستی کی گئی،عوام کی سہولت کے لیے سستا حج دیا، مستقبل میں مزید ریلیف بھی دیں گے۔

انہوں نے کہا کہ اگر شہباز شریف نہیں کرسکتا تو کوئی نہیں کرسکتا،ہم نے پہلے بھی عوام کو ریلیف دیا آئندہ بھی دیں گے،خیبرپختونخوا میں سستے آٹے کا پروگرام شروع کیا،آئندہ دنوں میں موبائل یوٹیلیٹی اسٹورز کی تعداد بڑھائی جائے گی۔

مریم نواز نے بنی گالہ کو منہ گالہ قرار دیتے ہوئے کہا کہ ایک تالہ کھولنے کے لیے پانچ کیرٹ کا ہیرا مانگا گیا،بنی گالہ کو منی گالہ کہنا بے جا نا ہوگا،میڈیا تھوڑا سا معاملے کو سمجھے، عمران خان کو دکھانا کم کرے۔

ان کا کہنا تھا کہ عمران خان کی نااہلی کی وجہ سے ملکی معیشت آئی سی یو میں پہنچ گئی، عمران خان کی نااہلی سے ملک اندھیروں میں ڈوب گیا،ملکی معیشت میں بچھائی گئی بارودی سرنگوں کا صفایا کریں گے۔