پاکستان کا ویسٹ انڈیز کیخلاف بیٹنگ کا فیصلہ

تفصیلات کے مطابق  پاکستان اور ویسٹ انڈیز کے درمیان دوسرا ون ڈے آج  ملتان کرکٹ اسٹیڈیم میں کھیلا جائے گا۔ میچ پاکستانی وقت کے مطابق شام 4 بجے شروع ہوگا۔  میچ میں صرف ایک تبدیلی کی گئی ہے جہاں  حسن علی کی جگہ محمد وسیم کو شامل کیا گیا ہے ۔ 

قومی کپتان بابر اعظم نے ٹاس کے موقع پر بات کرتے ہوئے کہا  کہ پچ  خشک ہے، زیادہ سکور کرنے کی کوشش کریں گے، اپنی ٹیم کی کارکردگی سے بہت خوش ہوں،کوشش کریں گے کہ جیت کا مومنٹم جاری رکھیں۔ حسن علی کی جگہ محمد وسیم جونیئر کو ٹیم میں شامل کرلیا گیا ہے۔

خیال رہے کہ  پاکستان کو تین میچز کی سیریز میں ایک صفر کی برتری حاصل ہے۔

فتح کی صورت میں گرین شرٹس سیریز میں دو صفر کی فیصلہ کن برتری حاصل کرلیں گے۔  آئی سی سی ورلڈ سپر لیگ میں قومی ٹیم ساتویں سے چوتھی پوزیشن پر آجائے گی۔

واضح رہے کہ پاکستان ٹیم نے پہلے ون ڈے میں بابر اعظم اور خوشدل کی شاندار بیٹنگ کی بدولت ویسٹ انڈیز کو 5 وکٹوں سے شکست دی۔

ویسٹ انڈیز نے پہلے بیٹنگ کرتے ہوئے مقررہ پچاس اوورزمیں آٹھ وکٹوں کے نقصان پر تین سوپانچ رنزبنائے۔ پاکستان نے جیت کے لئے 306 رنز کاہدف آخری اوورمیں پانچ وکٹوں کے نقصان پر حاصل کرلیاجبکہ چارگیندوں کا کھیل ابھی باقی تھا۔

پاکستان کے کپتان بابر اعظم پہلے بلے بازہیں جنہوںنے مسلسل تین ایک روزہ بین الاقوامی کرکٹ میچوں میں سنچری بنانے کااعزازدوبار حاصل کیاہے۔انہوں نے شاندار103رنزبنائے جس میں 9چوکے لگائے۔