انٹرنیٹ پر غیر اخلاقی مواد کی روک تھام ، نیا نظام متعارف

انٹرنیٹ پر غیر اخلاقی مواد کی روک تھام کے لیے پی ٹی اے نے نیا نظام متعارف کرا دیا۔

نئے نظام کے تحت پی ٹی اے اب غیر اخلاقی ویب سائٹس کو از خود بلاک کرسکے گا، ڈی این ایس نظام کے تحت ویب سائٹس ڈومین کی سطح پر بلاک ہوسکیں گی۔ اس سے قبل ویب سائٹس کی لسٹ انٹرنیٹ فراہم کرنے والی کمپنیوں کو بھجوائی جاتی تھیں۔

ترجمان پی ٹی اے کا کہنا ہے کہ نئے ںظام میں سوشل میڈیا ماننٹرنگ کا کوئی میکینزم نہیں، نیا نظام غیر اخلاقی مواد کو بلاک کرنے کیلئے بنایا گیا ہے۔ اس سے شہریوں کی پرائیویسی پر بھی کوئی فرق نہیں پڑے گا اور انٹرنیٹ کی رفتار پر بھی فرق نہیں پڑے گا۔ جبکہ ویب سائٹس بلاک کے خود کار نظام سے وقت کی بچت ہوگی۔