فیصل آباد میں سابق شوہر نے بیوی اور بچوں پر تیزاب پھینک دیا 

 جی این این کے مطابق فیصل آباد کے علاقے محلہ فضل آباد میں  سابق شوہر نے  بیوی اور بچوں پر تیزاب پھینک دیا جس کے نتیجے میں 45 سالہ خاتون یاسمین  70 فیصد جھلس گئی ، تیزاب سے  متاثرہ بچوں میں 16 سالہ عائشہ اور 12 سالہ  بیٹا  شامل  ہے ۔ 

اطلاع ملتے ہی ریسکیو ٹیم موقع پر پہنچ گئی ، ریسکیو نے تمام  افراد کو الائیڈ اسپتال منتقل کر دیا ۔ 

خیال رہے کہ  گزشتہ برس  پاکستان میں انسانی حقوق کے تحفظ کے ادارے (ایچ آر سی پی) نے اپنی سالانہ رپورٹ میں بتایا ہے کہ پاکستان میں خواتین  اور لڑکیوں کے خلاف جنسی تشدد، قتل، گھریلو تشدد، جبری شادی اور تیزاب پھینکنے کے واقعات میں 200 فیصد اضافہ ہوا ہے۔