یکم فروری سےپٹرول12 روپے فی لیٹر مہنگا ہونے کا امکان

جی این این کے مطابق اوگرا نے پیٹرولیم مصنوعات کی قیمتوں میں اضافے کی سمری پیٹرولیم ڈویژن کو بھیج دی ہے۔سمری میں پیٹرول 12روپے فی لیٹر تک مہنگا کرنے کی تجویز دی گئی ہے۔ڈیزل کی قیمت میں 10 روپے، مٹی کا تیل 7 اور لائٹ ڈیزل ساڑھے 5 روپے فی لیٹر مہنگا کرنے کی سفارش کی گئی ہے۔

اوگرا نے سمری 30روپے فی لیٹر لیوی کی بنیاد پر تیار کی۔ پیٹرول پر اس وقت 21روپے 56پیسے فی لیٹر لیوی عائد ہے۔ ڈیزل پر اس وقت 23روپے 9پیسے فی لیٹر لیوی ہے۔قیمتوں میں اضافے کی حتمی منظوری وزیر اعظم عمران خان دیں گے۔

واضح رہے کہ وفاقی حکومت نے اس سے قبل 15جنوری کو پیٹرول 3 روپے 20 پیسے مہنگا کرنے کی منظوری دی تھی ، جبکہ ہائی سپیڈ ڈیزل 2 روپے 95 پیسے، مٹی کا تیل 3، لائٹ ڈیزل 4 روپے 42 پیسے اور پٹرول 3 روپے 20 پیسے فی لٹر مہنگا کرنے کی منظوری دی گئی تھی ۔