ابھی ٹریلر چلاہے، اتحادیوں کی فلم چلنا باقی ہے:شیخ رشید

سماجی رابطے کی ویب سائیٹ ٹوئیٹر پر جاری پیغام میں سابق وزیر داخلہ شیخ رشید نے کہا کہ وزیراعظم، وزیراعلیٰ اور منشیات کیس میں وزیرداخلہ پر فرد جرم کون لگائے گا۔

انہوں نے کہا کہ فضل الرحمن کی سازش کروانےکا اعتراف بونڈا مذاق ہے، سازش غیر ملکی ڈالروں کے منحرف اراکین میں تقسیم سے شروع ہوئی۔

سابق وزیر داخلہ نے کہا کہ ہر روز 10 شعبوں میں نیا ٹیکس لگایا جاتا ہے جب کہ ابھی نہ IMF کا فیصلہ آیا ہے اور نہ ہی پاکستان کو فیٹف نے گرے لسٹ سے نکالا ہے۔

#امپورٹڈ_حکومت_نامنظور pic.twitter.com/0OdSvYd4TS

— Sheikh Rashid Ahmed (@ShkhRasheed) June 26, 2022

ان کا کہنا تھا کہ 20 ضمیر فروش منحرف اراکین کو ن لیگ نے ٹکٹ دے کر ووٹ کوعزت دو کے بیانیے پرمہر لگائی ہے، جولائی پاکستان کی سیاست کا اہم ترین مہینہ ہے۔

شیخ رشید کا مزید کہنا تھا قومی غیرت نے ان منحرف اراکین کو مسترد کرنا ہے، چودھریوں کو لڑا دیا، ایم کیو ایم کولائن میں لگا دیا، بلوچستان عوامی اور اے این پی کو مٹا دیا، ابھی ٹریلر چلا ہے اتحادیوں کی فلم چلنا ابھی باقی ہے۔