راولپنڈی ضمنی انتخاب: الیکشن کمیشن نے وزیراعظم کو کہوٹہ میں ڈیم کے افتتاح سے روک دیا

لاہور سے ترجمان الیکشن کمیشن پنجاب کے مطابق الیکشن کمیشن نے وزیراعظم کو ضابطہ اخلاق کی خلاف ورزی سے روک دیا۔

 ترجمان کا کہنا ہے کہ وزیراعظم شہباز شریف کل کہوٹہ میں ڈیم کا افتتاح کرنے والے تھے۔ 

ترجمان کے مطابق مذکورہ علاقہ پی پی 7 راولپنڈی کی حدود میں شامل ہے۔

 ڈسٹرکٹ ریٹرننگ آفیسر نے وزیر اعظم کے پرنسپل سیکرٹری سے رابطہ کیا۔ اور کہا کہ ضابطہ اخلاق پر عملدرآمد کیلئے وزیراعظم نے ڈیم کا افتتاح منسوخ کردیا۔

دریں اثنا پرنسپل سیکرٹری نے وزیراعظم کا دورہ منسوخ ہونے کے بارے میں آگاہ کر دیا ہے۔

الیکشن کمیشن کے مطابق ضمنی انتخاب والےحلقے میں عوامی عہدیداران کا دورہ کرنا ضابطہ اخلاق کی خلاف ورزی ہے۔ انتخابی شیڈول کے اعلان کے بعد ترقیاتی منصوبوں کا افتتاح کرنا بھی ضابطہ اخلاق کی خلاف ورزی ہے۔

الیکشن کمیشن غیرجانبدارانہ طور پر اپنی ذمہ داریاں سرانجام دیتا رہے گا۔