عمران خان کا لاہور ہائیکورٹ کے فیصلے کیخلاف سپریم کورٹ جانے کا اعلان

اسلام آباد ہائی کورٹ کے وکلا سے خطاب میں انہوں نے کہا کہ حمزہ شہباز کیسے دوبارہ وزیراعلیٰ بن سکتا ہے، اس سیٹ اپ کو مسلط کرنے کی کوشش کی جا رہی ہے۔

عمران خان نے کہا کہ الیکشن کمیشن پر کسی کو اعتبار نہیں، مسائل کا حل آزادانہ اور شفاف انتخابات ہے۔

اس سے پہلے انہوں نے کہا کہ اسلام آباد ہائی کورٹ بار کا دعوت دینے پر شکریہ ادا کرتا ہوں ، کسی بھی جمہوریت میں میڈیا پر اتنا پریشر نہیں ڈالا گیا جتنا آج ہے۔

عوام آزادی چاہتی تھی اس لئے پاکستان بنا، قائد اعظم اور علامہ اقبال نے آزادی کے لئے جدوجہد کی، قائد اعظم نے اس وقت بھانپ لیا تھا کہ بھارت مودی کا بن جائیگا۔

رحمت العالمین اتھارٹی بنائی تاکہ ہمارے بچوں کو پاکستان بننے کی وجہ پتہ چلے، ریاست مدینہ انقلاب تھا، مدینہ کی ریاست نبی حضرت محمد صلی اللہ علیہ وسلم کی سنت تھی۔

زمانہ جہالت میں چھوٹے چوروں کو سزا ملتی اور بڑے چوروں کو این آر او مل جاتا، غریب ممالک کے مزید غربت میں جانے کی وجہ 17 سو ارب ڈالرز سالانہ غریب ممالک سے چوری ہے۔

غریب ممالک سے پیسہ چوری ہوکر امیر ممالک میں چلا جاتا ہے،این آر او لینے والا ملک تباہ ہوجاتا ہے۔

لندن میں والدہ کو علاج کے لئے لیکر گیا تو پہلی بار فلاحی ریاست دیکھی، جہاں سے میری والدہ کا پیسے دیکر علاج ہوا وہیں غریبوں کا مفت علاج ہورہا تھا۔

اسپتال کا عملہ پیسے دیکر علاج کرانے اور مفت علاج کرانے والوں میں کوئی تفریق نہیں کرتا تھا۔ پاکستان میں اشرافیہ کے پاس سہولیات ہیں غریبوں کو بنیادی سہولتیں میسر نہیں۔

امریکیوں نے کہاں عمران خان کو فارغ نہ کیا تو سنگین نتائج ہونگے۔ مراسلہ جب پہلی بار پڑھا تو بار بار پڑھا کہ یہ کسی آزاد ملک کو کوئی کیسے کہ سکتا ہے۔

میں حیران تھا کہ امریکی کس کو حکم دے رہے ہیں ہمیں ہٹانے کا، امریکی مراسلے کے بعد لوٹوں کو مہنگائی یاد آگئی۔

3 دوست ممالک نے پیسے دیئے جس سے حالات بہتر ہوئے، ہمارے حکومت کے پہلے 2 سال مشکل تھے کورونا نے معیشت متاثر کی۔

لاک ڈاؤن نہ لگاکر معیشت بچائی، آئی ایم ایف سے بات کرکے ٹیکس کم کرائے عوام کو سہولت دی، حکومت کے تیسرے سال سے حالات بہتر ہونے شروع ہوگئے۔ ہمارے دور میں گروتھ ریٹ 6 فیصد تھی، لوٹے امریکی سفارت خانے ملاقاتیں کرنے جاتے تھے۔

انہوں نے مزید کہا کہ سازش پرجوڈیشنل انکوائری ہوجائے تو سب سامنے اجائے گا۔ شوکت ترین کے ذریعے نیوٹرلز کو پیغام بھجوایا معیشت تباہ ہوجائیگی۔