عمران خان وزیراعظم ہوتے تو عوام پر بوجھ نہ پڑتا:فرخ حبیب

پیٹرولیم مصنوعات کی قیمتوں میں اضافے پر رد عمل دیتے ہوئے رہنما تحریک انصاف فرخ حبیب نے کہا کہ پٹرول کی قیمت میں 14روپے 85پیسے اضافہ ہوا ہے جس سے ملکی تاریخ میں پہلی بار پیٹرول 250 روپے کا ہوگیا ہے۔

مائیکرو بلاگنگ ویب سائیٹ ٹوئیٹر پر جاری پیغام میں رہنما تحریک انصاف نے کہا کہ عمران خان وزیراعظم ہوتے تو آج روس سے سستا تیل آچکا ہوتا اور عوام پر بوجھ نہ پڑتا۔

اپنے ٹوئیٹ میں فرخ حبیب نے حکومت کو "تباہی حکومت" قرار دیتے ہوئے کہا کہ عوام مہنگائی سے فاقوں پر آگئی ہے، نالائق وزیراعظم کی بدترین ایڈمنسٹریشن نے تباہی مچا دی ہے۔