مون سون بارشوں میں گیجٹس کو محفوظ  کیسے رکھا جائے ؟

 لیکن اب زیادہ پریشان  ہونے کی ضرورت نہیں  کیونکہ یہاں ہم آپ کو کچھ آسان طریقے بتانے جارہے ہیں جن کی مدد سے آپ اپنے گیجٹس کو  بارشوں میں محفوظ رکھ سکتے ہیں۔

واٹر پروف اسمارٹ کورز / زِپ لاک پاؤچز:

مون سون کے دوران اپنے گیجٹس کو پانی سے محفوظ رکھنے کا پہلا اور بہترین طریقہ یہ ہے کہ انہیں ایئر ٹائٹ زِپ لاک پاؤچ میں رکھیں، واٹر پروف زِپ لاک پاؤچ اسمارٹ فونز، ٹیبلیٹس، لیپ ٹاپ وغیرہ کے لیے ہر سائز میں دستیاب ہوتے ہیں۔  

بائیو میٹرک لاک کے بجائے پیٹرن لاک کا استعمال کریں:

یہ ممکن ہے کہ جب فون کو زِپ لاک بیگ میں رکھا جائے تو آپ کا فون آپ کے فنگر پرنٹ کو پہچاننے میں ناکام ہو جائے کیونکہ بعض اوقات آپ کے ہاتھ گیلے ہوتے ہیں، اس صورت میں آپ اپنے فون تک آسانی سے رسائی کے لیے پِن یا پیٹرن لاک استعمال کر سکتے ہیں۔

واٹر پروف اسمارٹ بلیوٹوتھ ائیر فونز اور واچز کور:

گر آپ  مسلسل فون کالز سنتے ہیں یا ڈرائیونگ کے دوران موسیقی سننا پسند کرتے ہیں تو واٹر پروف ائرفونز میں سرمایہ کاری کرنا آپ کیلئے بہترین  ہے۔ ویسے ہم آپ کو مشورہ دیں گے کہ ڈرائیونگ  کے دوران  ایسی ڈیوائسز کے استعمال سے پرہیز کریں ۔  

بالفرض آپ کو اپنی کمپنی یا کلائنٹ کی طرف سے کوئی فوری کال موصول ہوئی ہے، اور آپ اسے وصول کرنا چاہتے ہیں  ایسے میں بلیو ٹوتھ ائرفون کا استعمال بہت اہمیت رکھتا ہے۔ خاص طور پر بارش میں، اپنے موبائل کو اپنی جیب یا بیگ سے باہر نکالنا آسان نہیں ہے۔

اس کے علاوہ   اسمارٹ واچز پہلے ہی واٹر پروف ہوتی ہیں، تاہم، ہماری طرف سے محتاط رہنا بہتر ہے لیکن مارکیٹ میں واٹر پروف اسمارٹ واچز کور بھی دستیاب ہیں،جن  کا استعمال  آپ کی اسمارٹ واچ کو مون سون کے دوران پانی سے محفوظ رکھ سکتا ہے ، یہ عام طور پر سلیکون سے بنے ہوتے ہیں جو پائیدار ہوتے ہیں۔  

ہر چیز کو اَن پلگ کردیں:

یہ  عام بات ہے کہ جب بھی بارش ہوتی  ہے بجلی کی دستیابی میں خلل ضرور آتا ہے اور کبھی کبھی بار بار بجلی کی بندش سے شاٹ سرکٹ کا بھی خطرہ رہتا ہے  لہذا اس بات کو یقینی بنائیں کہ جب آپ کی کوئی ڈیوائس  استعمال میں نہ ہو تو ساکٹ میں پلگ ان نہ ہو۔ 

علاوہ ازیں اگر آپ کے گھر میں بارش کا پانی جمع ہونے کا خطرہ ہے تو سب سے پہلے آپ کو تمام الیکٹرانکس ڈیوائسز کو اَن پلگ کرنا چاہیے تاکہ کرنٹ کے خطرے سے بچا جاسکے۔

جیسا کہ ہم جانتے ہیں کہ آج کل گیجٹس کی قیمت بہت زیادہ ہے، اس لیے بہتر ہے کہ کسی ایسی چیز میں سرمایہ کاری کی جائے جو انہیں بچا سکے۔ مندرجہ بالا طریقے اختیار کر کے ہم  بارش کے موسم میں اپنی الیکٹرانک گیجٹس   کو محفوظ رکھ سکتے ہیں ۔