پاکستانی قوم کرپٹ امپورٹڈ حکومت کو قبول کرنے کے لیے تیار نہیں:شاہ محمود قریشی

سماجی رابطے کی ویب سائیٹ ٹوئیٹر پر پاکستان تحریک انصاف کے نائب چیئرمین شاہ محمود قریشی نے پارٹی کے زیر اہتمام اسلام آباد پریڈ گراؤنڈ میں جلسے میں بھرپور شرکت پر راولپنڈی اور اسلام آباد کے عوام کا شکریہ ادا کیا۔

اپنے ٹوئیٹ میں سابق وزیر خارجہ کا کہنا تھا کہ تحریکِ انصاف کے جلسے میں اتنی کثیر تعداد میں عوام کی شمولیت چئیرمین تحریک انصاف عمران خان پر پاکستان کے لوگوں کے مکمل اعتماد کا مظہر ہے۔

انہوں نے کہا کہ عوام کی کثیر تعداد میں جلسے میں شمولیت واضح پیغام ہے کہ غیور پاکستانی قوم کسی طور بھی اس نااہل اور کرپٹ امپورٹڈ حکومت کو قبول کرنے کے لیے تیار نہیں۔

شکریہ راولپنڈی / اسلام آباد
تحریکِ انصاف جلسے میں اتنی کثیر تعداد میں عوامی شمولیت نہ صرف چئیرمین عمران خان پر پاکستان کے لوگوں کے مکمل اعتماد کا مظہر ھے بلکہ یہ واضح پیغام ھے کہ غیور پاکستانی قوم کسی طور اس نااہل اور کرپٹ امپورٹڈ حکومت کو قبول کرنے کے لئے تیار نہیں۔ pic.twitter.com/xzO7iHOZcW

— Shah Mahmood Qureshi (@SMQureshiPTI) July 3, 2022