حکومت نے عید الاضحیٰ کی چھٹیوں کا اعلان کر دیا

تفصیلات کے مطابق وزیراعظم شہبازشریف نے عید الاضحیٰ  کے موقع پر 5 چھٹیوں کی منظوری دی ہے جس کا باقاعدہ نوٹیفکیشن بھی جاری کر دیا گیا ہے۔

وزیراعظم ہاؤس کی جانب سے جاری نوٹیفکیشن کے مطابق اس مرتبہ 8 جولائی بروز جمعہ سے 12 جولائی بروز منگل تک عیدالاضحیٰ کی چھٹیاں ہوں گی۔

میڈیا رپورٹس کے مطابق وفاقی حکومت کے زیر انتظام اداروں میں ہفتہ اور اتوار کو چھٹی ہوتی ہے جس کے پیش نظر چھٹیاں بڑھانے کا فیصلہ کیا گیا۔

اس سے قبل کابینہ ڈویژن نے وزیر اعظم کو عیدالاضحیٰ کی چھٹیوں کی سمری ارسال کی تھی جس میں 10، 11 اور 12 جولائی یعنی عید  کی 3 تعطیلات کی تجویز دی گئی  تھی۔