امریکہ کا یوم آزادی : وزیراعظم کی امریکی عوام اور حکومت کو مبارکباد

تفصیلات کے مطابق وزیراعظم شہباز شریف نے  سماجی رابطے کی ویب سائٹ ٹوئٹر پر پیغام میں  امریکی عوام اور حکومت کو مبارکباد پیش کرتے ہوئے کہا کہ امریکی  یوم آزادی پر امریکی عوام اور حکومت کو مبارکباد دینا خوشی کا باعث ہے۔

وزیراعظم  نے کہا کہ  امریکہ کے ساتھ تجارت اور سرمایہ کاری سمیت دوطرفہ تعلقات بڑھانے کے خواہاں ہیں اور حکومت تعلقات کے فروغ کےلیے بائیڈن انتظامیہ کے ساتھ ہر سطح پر رابطے کی منتظر ہے۔

It is my pleasure to extend heartiest felicitations & greetings to the people & government of the United States on their Independence Day. My govt looks forward to engaging with the Biden Administration at all levels to promote our bilateral relations including trade & investment

— Shehbaz Sharif (@CMShehbaz) July 4, 2022

واضح رہے کہ آج متحدہ امریکہ کا 246 واں  یومِ آزادی منایا جا رہا ہے ۔ متحدہ امریکہ نے بادشاہت سے 4 جولائی 1776 میں آزادی حاصل کرتے ہوئے جمہوریت کے قیام کا اعلان کیا تھا اور اس روز سے اس دن کو متحدہ امریکہ کے یومِ آزادی کے طور پر ہر سال منایا جاتا ہے۔