کوہ پیما شہروز کاشف نے ایک اور ورلڈ ریکارڈ قائم کر دیا

تفصیلات کے مطابق شہروز کاشف نے 8 ہزار 126 میٹر بلند چوٹی نانگا پربت سر کر لی ، وہ نانگا پربت کی چوٹی سر کرنے والے دنیا کے کم عمر ترین کوہ پیما بن گئے۔

کوہ پیما شہروز کاشف نے پاکستانی وقت کے مطابق صبح 8 بج کر 54 منٹ پر نانگا پربت کو سر کیا۔لاہور سے تعلق رکھنے والے 20 سالہ شہروز نے 8000 میٹر سے بلند یہ آٹھویں چوٹی سر کی ہے۔

Alhamdulillah #ShehrozeKashif has summited #NangaParbat 8126m at 8:45 a.m. today.

World Record: Youngest in the World to summit Nanga Parbat !!

Total - 8 X 8000ers

Congrats Pakistan ??????#TheBroadBoy #TheKarakoramClub @KarakoramClub @faizanlakhani pic.twitter.com/qbAxebWBKn

— Shehroze Kashif (broadboy) (@Shehrozekashif2) July 5, 2022

انہوں نے کوہ پیمائی کا آغاز 11 برس کی عمر میں کیا ، شہروز کاشف 8 ہزار میٹر بلند دنیا کی تمام 14 چوٹیاں سر کرنے کا عزم رکھتے ہیں۔

کوہ پیما شہروز کاشف کو 2 گینز ورلڈ ریکارڈ کے سرٹیفکیٹ مل چکے ہیں، انہیں 2 بلند ترین چوٹیاں سر کرنے پر سرٹیفکیٹ دیے گئے تھے ۔

شہروز کاشف بلند ترین چوٹی ماؤنٹ ایورسٹ اور دوسری بلند ترین چوٹی کے ٹو سر کرنے والے کم عمر ترین کوہ پیما ہیں۔

شہروز کاشف  نے تین بڑے پہاڑوں کو صرف 23 دن کی مدت میں سر کیا جن میں کینچن جنگا، لھوٹسے اور مکالو شامل ہیں ۔ انہوں نے ماونٹ ایوریسٹ 8849 میٹر، کے ٹو 8611 میٹر، کینچنجنگا 8586 میٹر لھوٹسے 8516 میٹر کو عبور کرنے میں کامیابی حاصل کی۔

ان کی شاندار خدمات پر اسپورٹس بورڈ پنجاب نے انہیں پنجاب کا یوتھ ایمبیسڈر بھی مقرر کررکھا ہے ۔

خیال رہے کہ شہروز کاشف 5 بلند ترین چوٹیاں سر کرنے والے پاکستان کے کم عمر ترین کوہ پیما ہیں۔