پنجاب  ضمنی انتخابات : مہم آج رات 12 بجے ختم ہو گی

تفصیلات کے مطابق صوبہ پنجاب کے 14 اضلاع  کے 20 صوبائی حلقوں  پر ضمنی انتخاب 17 جولائی کو ہوگا۔ الیکشن کمیشن نے امیدواروں کی حتمی فہرست جاری کردی ہے ۔ 

ان حلقوں میں لاہور، شیخوپورہ، فیصل آباد، ساہیوال، راولپنڈی، خوشاب، جھنگ، بھکر، لیہ، مظفر گڑھ، ملتان، لودھراں، بہاولنگر اور ڈی جی خان شامل ہیں ۔

پی پی 7راولپنڈی ، پی پی83 خوشاب ، پی پی90 بھکر ، فیصل آباد کے حلقہ پی پی 97 ، جھنگ میں 125 ،127 اور شیخوپورہ میں پی پی 140 پر ضمنی انتخاب  کا میدان سجے گا ۔ 

لاہور کی نشست پی پی 158، 167، 168 اور پی پی 170 پر ضمنی انتخاب ہوگا۔

ساہیوال میں پی پی202 ، پی پی217 ملتان، لودھراں کے حلقہ پی پی 224 اور 228 پر ضمنی الیکشن ہوگا۔

بہاولنگر میں پی پی 237 اور مظفر گڑھ کے 3 حلقوں پی پی 237، 272، 273 پرضمنی انتخاب ہوگا۔

لیہ کے حلقہ پی پی 282 اور ڈیرہ غازی خان  میں پی پی 288 پر بھی ضمنی انتخاب  ہونگے ۔ 

خیال رہے کہ ان 20 نشستوں پر 2018 کے انتخابات کے بعد جیتنے والے تمام امیدوار تحریک انصاف سے تعلق رکھتے تھے ۔ تاہم وزارت اعلیٰ کے لیے حمزہ شہباز کو ووٹ دینے پر الیکشن کمیشن نے ان اراکین کو ڈی سیٹ کر دیا تھا۔