صحت
گزشتہ24گھنٹوں میں کوروناسے3افرادانتقال کرگئے
اسلام آباد:قومی ادارہ صحت کا کہنا ہے کہ گزشتہ24گھنٹوں میں کورونا وائرس کے شکار مزید 3افرادانتقال کرگئے ہیں۔
قومی ادارہ صحت نے ملک میں کورونا وائرس کے حوالے سے گزشتہ 24 گھنٹے کے اعداد و شمار جاری کیے ہیں جس کے مطابق پچھلے 24 گھنٹوں میں کورونا سے مزید 3 افراد انتقال کرگئے ہیں۔
ایک روزکےدوران کوروناکے532کیسزرپورٹ ہوئے، گزشتہ24گھنٹوں میں کوروناکے19ہزار402ٹیسٹ کیےگئے۔
جاری اعداد و شمار کے مطابق ملک میں کوروناکےمثبت کیسزکی شرح2.74فیصدرہی جبکہ کوروناکے179مریضوں کی حالت تشویشناک بتائی گئی ہے۔
پاکستان
ضمنی الیکشن میں موبائل اور انٹرنیٹ سروس بند کرنے کی سفارش
سیکرٹری وزارت داخلہ کی زیر صدارت اجلاس میں آج حتمی فیصلہ کیا جائے گا
ملک بھر میں کل ضمنی الیکشن کا انعقاد ہو گا۔ اس حوالے سےمحکمہ داخلہ پنجاب نے محکمہ داخلہ پنجاب نے 13 اضلاع میں موبائل اور انٹرنیٹ سروس بند کرنے کی تجویز پیش کی ہے۔
محکمہ داخلہ پنجاب نے وفاقی وزارت داخلہ کو خط لکھا ہے۔ جس میں کہا گیا کہ امن وامان کیلئے لاہور، شیخوپورہ، قصور، تلہ گنگ، کلرکہار، گجرات، صادق آباد، ڈی جی خان اور دیگر اضلاع میں موبائل فون و انٹرنیٹ سروس معطل رکھی جائے۔
محکمہ داخلہ کے خط کی کاپی چیف سیکرٹری، آئی جی، چیئرمین پی ٹی اے کو ارسال کردی گئی ہے۔ سیکرٹری وزارت داخلہ کی زیر صدارت اجلاس میں آج حتمی فیصلہ کیا جائے گا۔
واضح رہے کہ قومی و صوبائی اسمبلیوں کی 22 نشستوں پر ضمنی انتخابات کا انعقاد 21 اپریل بروز اتوار کو ہوگا۔
تجارت
آئی ایم ایف کا شیڈول جاری، پاکستان کا اقتصادی جائزہ شامل نہیں
آئی ایم ایف نے پاکستان کے معاملے پرایگزیکٹو بورڈکا اجلاس اپریل کے آخر میں بلانے کا عندیہ دیا تھا
عالمی مالیاتی ادارہ (آئی ایم ایف) کے ایگزیکٹیو بورڈ کا 29 اپریل تک اجلاس کا شیڈول جاری کردیا گیا، جس میں پاکستان کا اقتصادی جائزہ شامل نہیں کیا گیا۔
پاکستان اور آئی ایم ایف کے درمیان اسٹاف لیول معاہدہ 20 مارچ 2024 کو طے پایا تھا۔ آئی ایم ایف نے پاکستان کے معاملے پرایگزیکٹو بورڈکا اجلاس اپریل کے آخر میں بلانے کا عندیہ دیا تھا۔
آئی ایم ایف ایگزیکٹو بورڈ کی منظوری سے پاکستان کو 1.1 ارب ڈالر کی آخری قسط ملے گی اور آخری قسط کی حتمی منظوری کے ساتھ ہی 3 ارب ڈالر کا اسٹینڈ بائی ارینجمنٹ ختم ہو جائے گا۔
قبل ازیں وفاقی وزارت خزانہ نے کہا تھا کہ پاکستان نے آخری قسط کے لیے تمام اہداف پورے کرلیے گئے ہیں اور اسٹاف لیول معاہدے کے ساتھ جائزہ مشن آخری قسط جاری کرنے کی سفارش کرے گا۔
پاکستان
عدالت کے حکم پر بشریٰ بی بی کا میڈیکل چیک اپ
بشریٰ بی بی کو سب جیل بنی گالہ سے شفاء انٹرنیشنل ہسپتال لایا گیا
عدالت کے حکم پر بانی پی ٹی آئی عمران خان کی اہلیہ بشریٰ بی بی کا شفا انٹرنیشنل ہسپتال میں طبی معائنہ کیا جا رہا ہے۔
ذرائع کے مطابق بشریٰ بی بی کو سب جیل بنی گالہ سے شفاء انٹرنیشنل ہسپتال لایا گیا۔
ذرائع کے مطابق بشریٰ بی بی کے ہمراہ ذاتی معالج ڈاکٹر عاصم اور سرکاری ڈاکٹروں کی ٹیم بھی نجی اسپتال میں موجود ہے، بشریٰ بی بی کے وکلا کی ٹیم بھی ہسپتال میں موجود ہے۔
یاد رہے کہ گزشتہ روز احتساب عدالت نے بشریٰ بی بی کی درخواست منظور کرتے ہوئے نجی ہسپتال سے ان کے ٹیسٹ کروانے کا حکم دیا تھا۔
-
تجارت 2 دن پہلے
ملک میں گندم کا وافر ذخیرہ موجود ہے، مزید خریداری کیلئے صوبوں کو خط لکھیں گے ، عطا تارڑ
-
دنیا ایک دن پہلے
شیخ محمد بن زید النہیان کا حالیہ بارشوں سے متاثر ہونے والے خاندانوں کی فوری امداد کا حکم
-
علاقائی ایک دن پہلے
مظفر آباد گاڑی کھائی میں گرنے سے 7 افراد جاں بحق
-
پاکستان ایک دن پہلے
سابق پی ٹی آئی رہنما یاسمین راشد کی طبیعت ناساز
-
تجارت ایک دن پہلے
عالمی منڈی میں پیٹرول کی قیمت میں کمی واقع
-
تجارت ایک دن پہلے
نان اور روٹی کی کم قیمت قبول نہیں ، نان بائی ایسوسی ایشن کا احتجاج
-
پاکستان ایک دن پہلے
بانی چیئرمین پی ٹی آئی عمران خان کا چیف جسٹس آف پاکستان کو خط لکھنے کا فیصلہ
-
تجارت 2 دن پہلے
آئی ایم ایف سے مذاکرات میں روپے کی قدرمیں بڑی کمی کا کوئی امکان نہیں، محمد اورنگزیب