بلوچستان اور گلگت بلتستان کے متاثرہ علاقوں میں پاک فوج کی امدادی سرگرمیاں جاری

پاک فوج کے شعبہ تعلقات عامہ کی جانب سے جاری بیان کے مطابق پاک فوج کے دستوں کی سیلاب سے متاثرہ علاقوں میں امدادی سرگرمیوں میں سول انتظامیہ کی معاونت جاری ہے۔

جاری بیان کے مطابق پاک فوج کی جانب سے متاثرہ آبادی کو بنیادی غذائی ضروریات اور طبی امداد کی فراہمی کا عمل جاری ہے، متاثرہ علاقوں سے ڈی واٹرنگ پمپوں اور ٹینکروں کے ذریعے پانی نکالا جا رہا ہے۔

ترجمان پاک فوج کے مطابق بولان، لسبیلہ، اوتھل ،جھل مگسی اور غذر میں 700 سے زائد متاثرہ خاندانوں کو محفوظ مقامات پر منتقل کیا گیا ہے جبکہ پاک فوج کے حب، لسبیلہ، اوتھل اور غذر میں فری میڈیکل کیمپ میں طبی سہولیات اور مفت ادویات کی فراہمی جاری ہے،

آئی ایس پی آر کا کہنا ہےکہ متاثرہ علاقوں میں 7.5 ٹن غذائی اشیاء، پناہ گاہیں اور دیگر امدادی سامان فراہم کیا گیا ہے، سیلاب کے باعث بلوچستان کے مختلف مقامات پر اسٹینڈ بائی ریسپانس ٹیمیں تعینات ہیں۔