ملک میں کورونا ایک بار پھر سر اُٹھانے لگا 

قومی ادارہ صحت  کے مطابق ملک میں گزشتہ 24 گھنٹوں کے دوران کورونا وائرس سے   مزید 8 افراد انتقال کرگئے جبکہ  761کیسز رپورٹ ہوئے ہیں ۔

قومی ادارہ صحت  کے مطابق  گزشتہ  24 گھنٹوں میں ملک بھر میں  کورونا  کے 20 ہزار 843 ٹیسٹ کئے گئے ،  ملک میں گزشتہ 24 گھنٹوں میں  کرونا کے مثبت کیسز کی شرح 3.65  فیصد ریکارڈ کی گئی۔ 

ملک بھرمیں کورونا وائرس کے 170 مریضوں کی حالت تشویشناک ہے۔

COVID-19 Statistics 28 July 2022
Total Tests in Last 24 Hours: 20,843
Positive Cases: 761
Positivity %: 3.65%
Deaths: 08
Patients on Critical Care: 170

— NIH Pakistan (@NIH_Pakistan) July 28, 2022

دوسری جانب پاکستان میں کورونا وبا کے کیسز میں ایک بار پھر اضافہ ہونے کے سبب ہوائی سفر، پبلک ٹرانسپورٹ میں  ماسک لگانے کی پابندی دوبارہ عائد کر دی گئی ہے۔

یاد رہے کہ پاکستان میں گزشتہ چند ماہ میں کووڈ کیسز کی شرح انتہائی کم رہی، جس کی وجہ سے کورونا وبا کے دوران لگائی گئی تمام پابندیاں بھی ہٹا دی گئی تھیں۔

ملک  میں ایک بار پھر کورونا کیسز کی شرح میں اضافے کے بعد قومی ادارۂ صحت (این آئی ایچ) نے شہریوں کو ماسک کا استعمال کرنے کی ہدایت کی ہے ۔

پاکستان میں ایک ماہ پہلے کورونا   سے متاثرہ افراد کی تعداد 79 تھی اور اس دوران کوئی اموات بھی رپورٹ نہیں ہوئی تھیں۔ قومی ادارہ صحت  کے مطابق ملک میں ویکسینیشن کے اہل عوام  کو کووڈ 19 کے خلاف مکمل ویکسین بھی لگا دی گئی ہے ۔

نیشنل کمانڈ اینڈ آپریشنز کے مطابق 2020ء میں اس وبائی مرض کے پھیلاؤ کے بعد سے رواں سال مارچ میں کیسز کی تعداد کم  ترین سطح پر تھی لیکن اب ان کیسز میں اضافہ دیکھنے میں آرہا ہے۔

 واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔