پنجاب میں حکومت سازی ، عمران خان آج لاہور آئیں گے 

تفصیلات کے مطابق سابق وزیراعظم اور چیئرمین تحریک انصاف  عمران خان گزشتہ روز خراب موسم کے باعث لاہور نہیں آسکے تھے ، عمران خان دورہ لاہور کے دوران  وزیر اعلی چوہدری پرویز الہی اور پارٹی رہنماؤں سے  ملاقات  کریں گے ۔

 عمران خان پنجاب میں حکومت سازی کے حوالے سے اہم فیصلے کریں گے ۔ وزیر اعلی پنجاب چوہدری پرویز الہی ملاقات میں صوبے کے امور پر بریف کریں گے ۔ 

عمران خان، پرویز الہی ملاقات میں پنجاب کابینہ کی تشکیل پر بھی مشاورت ہوگی جبکہ پنجاب حکومت کے پرفارمنس روڈ میپ پر بھی بات ہوگی۔ 

تحریک انصاف کے سے سینئر رہنما  اور ارکان اسمبلی کی بھی عمران خان سے ملاقات ہوگی ، وفاقی حکومت کی جانب سے دھمکیوں کابھی تحریک انصاف کی قیادت جائزہ لیکر سیاسی لائحہ عمل طے کرے گی۔

یاد رہے کہ سپریم کورٹ نے ڈپٹی اسپیکر پنجاب اسمبلی دوست محمد مزاری کی رولنگ کو غیر آئینی قرار دیتے ہوئے پرویز الٰہی کو وزیراعلیٰ پنجاب نامزد کیا تھا۔

گورنر پنجاب بلیغ الرحمان کی جانب سے پرویز الٰہی سے حلف لینے سے انکار کے بعد صدر مملکت ڈاکر عارف علوی نے رات دیر گئے ایوان صدر میں پرویز الٰہی سے عہدے کا حلف لیا تھا۔