فلپائن میں منکی پاکس وائرس کا پہلا کیس رپورٹ 

غیر ملکی خبر رساں ادارے کے مطابق فلپائن کے محکمہ صحت کا کہنا ہے کہ منکی پاکس وائرس سے متاثرہ شخص رواں ماہ بیرون ملک سے واپس لوٹا تھا جسے قرنطینہ کردیا گیا ہے۔

محکمہ صحت کے مطابق منکی پاکس سے متاثرہ شخص سے رابطے میں آنے والے 10 افراد بھی قرنطینہ کردیئے گئے ہیں۔

دوسری جانب عالمی ادارہ صحت نے منکی پاکس وائرس کی وبا کو گلوبل ہیلتھ ایمرجنسی قرار دیاہے ۔ 

عالمی ادارہ صحت نے کہا ہے کہ اب تک دنیا کے78 ممالک میں منکی پاکس کے18 ہزار کیسز کی تصدیق کی گئی ہے ، جن میں70 فیصد کا تعلق یورپ اور 25 فیصد کا تعلق امریکا سے ہے۔

واضح رہے کہ منکی پاکس چیچک کی طرح ایک بیماری ہے لیکن اس کی شدت چیچک سے کم ہے ۔ منکی پاکس کے متاثرہ مریض کے جسم پر چھوٹے چھوٹے دانے نکل آتے ہیں ، اس کے علامات میں بخار، سردرد اور جسم میں تھکاوٹ ہونا شامل ہیں ۔

منکی پاکس جنگلی جانوروں خصوصا زمین کھودنے والے چوہوں اور لنگوروں میں پایا جاتا ہے اور اکثر ان سے انسانوں کو بھی منتقل ہو جاتا ہے۔