پہلا ایک روزہ میچ، پاکستان نے نیدرلینڈ کو 16 رنز سے شکست دے دی

تفصیلات کے مطابق پاکستان نے نیدر لینڈز کے خلاف ٹاس جیت کر بیٹنگ کا فیصلہ کیا تو قومی ٹیم مقررہ 50 اوورز میں 6 وکٹوں کے نقصان پر 314 رنز کا قابلِ دفاع ہدف دینے میں کامیاب رہی۔

قومی ٹیم کی جانب سے فخر زمان نے شاندار سنچری اسکور کی، انہوں نے 109 گیندوں پر 109 رنز کی اننگز کھیلی جس میں 12 چوکے اور 1 چھکا شامل ہے۔

علاوہ ازیں کپتان بابراعظم نے 74 اور شاداب خان 48 رنز بنا کر نمایاں رہے جبکہ نیدرلینڈ کے باؤلر وین بیک اور لیڈ نے بالترتیب دو دو وکٹیں حاصل کیں۔

دوسری جانب نیدر لینڈ  کی ٹیم پاکستان کی جانب سے جیت کے لیے دیے گئے 315 رنز کے ٹارگٹ کا تعاقب کرتے ہوئے مقررہ اوورز میں 8 وکٹوں کے نقصان پر محض 298 رنز ہی بنا سکی۔

نیدر لینڈز کی جانب سے کپتان ایڈورڈز نے 70 جب کہ ٹام کوپر نے 65 رنز بنائے، پاکستان کی جانب سے ڈیبیو کرنے والے نسیم شاہ اور حارث رؤف نے تین، تین کھلاڑیوں کو آؤٹ کیا۔