گلوکار اور قوال استاد نصرت فتح علی خان کو بچھڑے 25 برس بیت گئے

کانوں میں رس گھولنے والی آواز استاد نصرت فتح علی خان کی پہچان تھی، انہوں نے مشرقی موسیقی میں نت نئے تجربات کیے اور اپنی منفرد آواز کی بدولت دنیا کے کئی ممالک میں پذیرائی حاصل کی، اردو زبان کو ناسمجھنے والے غیرملکی بھی انکی قوالیوں کے مداح ہیں۔

لیجنڈ موسیقار نصرت فتح علی خان 13 اکتوبر 1948ء کو فیصل آباد میں پیدا ہوئے، ان کے والد استاد فتح علی خان بھی موسیقار، گلوکار، قوال اور کئی سازوں پر عبور رکھتے تھے۔

You had touched countless lives in your lifetime & even after your death, you live through your music & your family legacy, You will always be missed!

Ustad Nusrat Fateh Ali Khan - October 13, 1948 - August 16, 1997 pic.twitter.com/6LVQVKbxKf

— Rahat Fateh Ali Khan (@RFAKWorld) August 16, 2022

نصرت فتح علی خان کا نام سب سے زیادہ 125 قوالی کی البم کے ساتھ گنیز بک آف ورلڈ ریکارڈ میں بھی شامل ہے۔

استاد نصرت فتح علی خان کی 25 ویں برسی انکے بھتیجے اور پاکستان کے معروف گلوکار راحت فتح علی خان اپنے ٹوئٹرپیغام میں انہیں خراج عقیدت پیش کرتے ہوئے کہا کہ آپ نے اپنی ایک زندگی میں کئی زندگیاں جی لیے اور دنیا سے جانے کے بعد بھی آپ اپنی موسیقی اور اپنی خاندانی میراث کے ذریعے زندہ ہیں، آپ کو ہمیشہ یاد رکھا جائے گا۔

استاد نصرت فتح عی خان کا ہر گانا ہی لاجواب ہے لیکن چند مشہور گانے جن میں کنا سوہنا تینوں، پِیا رے پِیا رے، غم ہے یا خوشی، میرا پیا گھر آیا، دم مست قلندر، آفریں آفریں اور دیگر گانے انکی پہچان ہیں۔

نصرت فتح علی خان کو حکومت پاکستان کی جانب سے شعبہ موسیقی میں شاندار خدمات کے اعتراف میں پرائڈ آف پرفارمنس کے ایوارڈ سے بھی نوازا گیا۔