پاکستان بمقابلہ نیدرلینڈز ، قومی ٹیم کوسیریز میں 0-2 کی فیصلہ کن برتری حاصل

تفصیلات کے مطابق 3 میچز پر مشتمل سیریز کے دوسرے میچ میں  نیدرلینڈز کے کپتان نے ٹاس جیت کر بیٹنگ کا فیصلہ کیا، نیدر لینڈز کی پوری ٹیم 44.1 اوورز ہی کھیل سکی اور 186 رنز پر ڈھیر ہوگئی۔

قومی ٹیم کی جانب سے حارث رؤف اور نواز نے 3، 3 کھلاڑیوں کو آؤٹ کیا، نسیم شاہ نے 2 اور محمد وسیم جونیئر نے 1 وکٹ حاصل کی۔

جواب میں شاہینوں نے شاندار بیٹبگ کا مظاہرہ کرتے ہوئے 187 رنز کا ہدف محض 34 ویں اوورز میں ہی پورا کر لیا، قومی ٹیم کے 3 کھلاڑی آؤٹ ہوئے۔

 نیدر لینڈز کے ویویان کنگما نے 2 کھلاڑیوں کو آؤٹ کیا، محمد رضوان نے 69 رنز کی ناقابل شکست اننگز کھیلی جبکہ سلمان علی آغا 50 رنز کے ساتھ ناٹ آؤٹ رہے۔

 اس سے قبل پہلے ون ڈے میچ میں پاکستان نے نیدرلینڈز کو 16 رنز سے شکست دی تھی، دونوں ٹیموں کے درمیان سیریز کا آخری ایک روزہ میچ 21 اگست بروز اتوار کو کھیلا جائے گا۔