جمیل احمد کو گورنر اسٹیٹ بینک تعینات کر دیا گیا،نوٹیفیکشن جاری

 نئے گورنر اسٹیٹ بینک کی بلا آخر تعیناتی کر دی گئی ہے،جمیل احمد کو گورنر اسٹیٹ بینک تعینات کر دیا گیا۔

میڈیا رپورٹس کے مطابق جمیل احمد کی بطور گورنر اسٹیٹ تعیناتی کا نوٹیفکیشن بھی جاری کر دیا گیا ہے۔ نوٹیفکیشن کے مطابق جمیل احمد کی بطور گورنر اسٹیٹ تعیناتی 5 سال کیلئے کی گئی ہے،وفاقی حکومت کی سفارش پر انہیں گورنر اسٹیٹ بینک تعینات کیا گیا ہے۔ 

واضح رہے کہ گزشتہ دنوں یہ خبر سامنے آئی تھی کہ گورنر اسٹیٹ بینک کے خالی عہدے پر جمیل احمد کو گورنر اسٹیٹ بینک بنائے جانے کا امکان ہے۔ میڈیا رپورٹس میں بتایا گیا کہ وزیراعظم کی منظوری سے جمیل احمد کی بطور گورنر اسٹیٹ بینک تعیناتی کا اعلان جلد متوقع ہے۔ جمیل احمد ڈپٹی گورنر اسٹیٹ بینک کے عہدے پر فائز رہے۔

انہیں 25 اکتوبر 2018 کو 3 سال کیلئے ڈپٹی گورنر تعینات کیا گیا تھا۔ جمیل احمد کا بینکنگ سیکٹر میں 30 سالہ تجربہ ہے۔ نئے گورنر اسٹیٹ بینک کیلئے تیار کردہ فہرست میں ڈاکٹر مرتضٰی ،عاصم میراج، ڈاکٹر سعید احمد کے نام بھی شامل تھے۔ خیال رہے کہ روراں سال مئی میں رضا باقر کی مدت پوری ہونے پر مستقل گورنرکا عہدہ خالی ہوا تھا اور ڈاکٹر مرتضٰی سید قائم مقام گورنراسٹیٹ بینک کے فرائض انجام دئیے، ڈپٹی گورنر مرتضیٰ سید قائم مقام گورنر اسٹیٹ کی ذمہ داریاں ادا کر رہے تھے، جبکہ سابق گورنر اسٹیٹ رضا باقر کی تین سالہ مدت مدت ملازمت میں توسیع نہ کرنے کا فیصلہ کیا گیا۔ 

رضا باقر کو تحریک انصاف کی سابق حکومت نے تعینات کیا تھا۔ خیال رہے کہ گزشتہ دنوں وزیر خزانہ مفتاح اسماعیل نے گورنر اسٹیٹ کے تقرر کی حتمی تاریخ دینے سے معذرت کی اور کہا اس متعلق نہیں بتا سکتا۔ وزیر خزانہ مفتاح اسماعیل نے گورنراسٹیٹ بینک کے تقرر سے متعلق اپنے بیان سے یوٹرن لے لیا۔ مفتاح اسماعیل نے گورنراسٹیٹ کے تقرر کی حتمی تاریخ دینے سے معذرت کرتے ہوئے کہا کہ گورنراسٹیٹ سے متعلق متعددبار تاریخیں دے چکا ہوں لیکن اب نہیں بتا سکتا۔