ن لیگ کے سینئر رہنماؤں کے وارنٹ گرفتاری آمرانہ سوچ کے عکاس ہیں:حمزہ شہباز

سماجی رابطے کی ویب سائیٹ ٹوئیٹر پر جاری پیغام میں سابق وزیر اعلیٰ پنجاب حمزہ شہباز نے کہا کہ مسلم لیگ ن کے سینئر رہنماؤں اور اراکین اسمبلی کے وارنٹ گرفتاری اور چھاپے قابل مذمت اور آمرانہ سوچ کے عکاس ہیں۔

انہوں نے کہا کہ عمران نیازی کی ایما پر فسطائی حکومت کے اوچھے ہتھکنڈوں سے مسلم لیگ ن کے حوصلے نہیں ٹوٹیں گے، ایسی انتقامی سوچ ہماری جمہوری روح کا بال تک بیکا نہیں کر سکتی۔

مسلم لیگ ن کے سینئر رہنماؤں اور اراکین اسمبلی کے وارنٹ گرفتاری اور چھاپے قابل مذمت اور آمرانہ سوچ کے عکاس ہیں۔ عمران نیازی کی ایما پر فسطائی حکومت کے اوچھے ہتھکنڈوں سے مسلم لیگ ن کے حوصلے نہیں ٹوٹیں گے۔ایسی انتقامی سوچ ہماری جمہوری روح کا بال تک بیکا نہیں کر سکتی۔

— Hamza Shahbaz Sharif (@HamzaSS) August 19, 2022

واضح رہے کہ جوڈیشل مجسٹریٹ کینٹ لاہور کی جانب سے پنجاب اسمبلی ہنگامہ آرائی کیس میں مسلم لیگ ن کے رہنماؤں کے وارنٹ گرفتاری جاری کیے جا چکے ہیں۔

جن رہنماؤں کے وارنٹ گرفتاری جاری کیے گئے ان میں عطا تارڑ، رانا مشہود، اویس لغاری، سیف الملوک کھوکھر اور رانا منان سمیت 12 رہنماؤں کے نام شامل ہیں۔