پاکستانی کرکٹ ٹیم آج کے میچ میں سیاہ پٹیاں باندھ کر میدان میں اترے گی

اس حوالے سے قومی ٹیم کے منیجر منصور رانا نے بتایا ہے کہ سیاہ پٹیاں باندھنے کا مقصد پاکستان میں سیلاب سے متاثرہ افراد کے ساتھ اظہار یکجہتی کرنا ہے۔

گزشتہ روز قومی کرکٹ ٹیم کے کپتان بابر اعظم نے بھی پریس کانفرنس سے گفتگو میں سیلاب متاثرین کی امداد کا اعلان کیا تھا اور تمام افراد سے متاثرین کی مدد کی اپیل کی تھی۔

یاد رہے کہ ایشیا کپ ٹی ٹونٹی ٹورنامنٹ کا آغاز گزشتہ روز سے متحدہ عرب امارات میں ہو چکا ہے، روایتی حریف پاکستان اور بھارت کا میچ آج پاکستانی وقت کے مطابق شام 7 بجے دبئی کرکٹ اسٹیڈیم میں کھیلا جائے گا۔