وزیراعظم کا خیبر پختونخوا کے سیلاب سے متاثرہ علاقوں کا دورہ ، امدادی کارروائیوں کا جائزہ 

تفصیلات کے مطابق  وزیراعظم شہبازشریف نے نوشہرہ میں قائم کئے گئے امدادی کیمپ کادورہ بھی کیا ۔ اس موقع پر وزیرِ اعظم شہباز شریف کو نوشہرہ میں سیلاب کی صورتحال ، ریسکیو اور امدادی کاروائیوں پر بریفنگ دی گئی۔

وزیرِ اعظم شہباز شریف نے نوشہرہ میں مردان پُل پر سیلاب کی صورتحال کا جائزہ لیا ۔  وزیرِ اعظم کو دریائے کابل میں سیلابی صورتحال اور ریسکیو کے لئے اقدامات پر تفصیلی بریفنگ دی گئی۔

وزیراعظم نے لوگوں کو محفوظ مقامات پر منتقل کرنے اور فوری ریسکیو کیلئے تمام تر وسائل کو بروئے کار لانے کی ہدایات کیں ۔ اس موقع پروفاقی وزیر پارلیمانی امور مرتضیٰ جاویدعباسی اور وزیراعظم کے مشیر انجینئر امیر مقام بھی موجود تھے۔