شاہین شاہ آئی سی سی مینز ٹی ٹوینٹی ورلڈ کپ سے قبل مکمل فٹنس حاصل کرلیں گے:چیف میڈیکل آفیسر

تفصیلات کے مطابق پاکستان کرکٹ بورڈ نے فیصلہ کیا ہے کہ فاسٹ باؤلر شاہین شاہ آفریدی لندن میں اپنا ری ہیب مکمل کریں گے۔

اس حوالے سے چیف میڈیکل آفیسر کا کہنا ہے کہ فاسٹ باؤلر کے گھٹنے کو بلاتعطل اسپیشلسٹ کیئر کی ضرورت ہے اور اس حوالے سے لندن میں ورلڈ کلاس سہولیات دستیاب ہیں، لہٰذا فاسٹ باؤلر کی بہتری کے لیے انہیں لندن بھجوانے کا فیصلہ کیا گیا ہے۔

انہوں نے بتایا کہ میڈیکل ڈیپارٹمنٹ اس حوالے سے روزانہ فیڈ بیک لیا کرے گا۔ وہ پرامید ہیں کہ فاسٹ باؤلر آئی سی سی مینز ٹی ٹوینٹی ورلڈ کپ سے قبل مکمل فٹنس حاصل کرلیں گے۔