ایشیا کپ: بنگلہ دیش کا افغانستان کو جیت کے لیے128 رنز کا ہدف

تفصیلات کے مطابق شارجہ کرکٹ اسٹیڈیم میں کھیلے جارہے میچ میں بنگلہ دیش نے ٹاس جیت کر پہلے بیٹنگ کا فیصلہ کیا تو مقررہ 20 اوورز میں 7 وکٹوں کے نقصان پر 127 رنز بنانے میں کامیاب رہے، مصدق حسین نے ناقابل شکست 48 رنز بنائے۔

بنگلہ دیشی ٹیم آغاز کچھ اچھا نہیں رہا، افغان اسپنرز نے بنگلادیشی بیٹرز کو پچ پر ٹکے رہنے کا موقع نہ دیا اور محض 53 کے مجموعی اسکور پر 5 کھلاڑیوں کو پویلین بھیج دیا۔

تاہم مصدق حسین نے ذمہ داری سے بیٹنگ کرتے ہوئے ٹیم کا اسکور 127 رنز تک پہنچایا، افغانستان کی جانب سے راشد خان اور مجیب الرحمان نے 3،3 وکٹیں حاصل کیں۔