ایشیا کپ فائنل میں پاکستان کی قیادت کرنے پر بہت پرجوش ہوں، بابر اعظم

ایک انٹر ویو میں انہوں نے کہا کہ ہر کپتان اور ٹیم کا خواب ہوتا ہے کہ وہ ٹرافی جیتے ۔ بحثیت ٹیم اس وقت ہمارا ایک ہی ہدف ہے کہ ہم فائنل میں اچھا پرفارم کریں اور ٹورنامنٹ جیتیں۔ ایشیا کپ میں ہمارے میچز بڑے شاندار رہے ہیں اور سخت میچ کھیلے ہیں ۔

کھلاڑیوں نے بڑی شاندار کارکردگی کا مظاہرہ کیا ہے ۔انہوں نے کہا کہ مختلف کھلاڑیوں نے پلئیر آف دی میچ کا ایوارڈ حاصل کیا ۔ جب ہم ٹیم بنانے کے مرحلے میں ہوتے ہیں تو مختلف کھلاڑیوں کا پرفارم کرنا اچھا ہوتا ہے ۔ بحثیت کپتان پاکستان کرکٹ ٹیم یہ میرے لئے بڑی اہمیت کا حامل ہے ۔

انہوں نے مزید کہا کہ اس سے مستقبل کے لیے کامیابیوں کا راستہ بنانے میں مدد ملتی ہے، سری لنکا کے داسن شناکا نے کہا کہ پاکستان کرکٹ ٹیم ایک بہت اچھی ٹیم ہے ۔ اب تک ایشیا کپ میں میچز بڑے سنسنی خیز رہے ہیں ۔ہم فائنل میچ کے منتظر ہیں ۔ ہمارا ایشیا کپ بہترین رہا ہے اور ہماری نظریں پاکستان کے خلاف فائنل پر ہیں۔