ایشیاکپ فائنل: ٹاس ہارنےکی صورت میں سری لنکن ٹیم کیا کریگی ؟

دبئی میں ایشیا کپ ٹی ٹوئنٹی 2022  کے فائنل سے قبل پریس کانفرنس کرتے ہوئے  داسن شانکا کا کہنا تھا کہ آج پاکستان کے خلاف فائنل میچ میں ٹاس ہار گئے تو ہم پہلے بیٹنگ کرکے ہدف کا دفاع کرنے کے لیے بھی تیار ہیں۔ 
 
خیال رہےکہ  ایشیا کپ ٹی ٹوئنٹی 2022 میں ٹاس نے اب تک تمام میچوں میں اہم کردار ادا کیا ہے اور  جو ٹیم پہلے فیلڈنگ کر رہی ہے اس کے جیتنے کا تناسب زیادہ ہے جب کہ سری لنکا نے ایشیا کپ میں وہ تمام میچ جیتے ہیں جس میں انہوں نے ہدف کا تعاقب کیا ہے۔

دبئی میں پریس کانفرنس کے دوران سری لنکن کپتان کا کہنا تھا کہ یہ ٹھیک ہے کہ ٹاس نے اس ٹورنامنٹ میں اب تک نہایت اہم کردار ادا کیا ہے تاہم ہمارے بلے باز دونوں صورتوں میں بیٹنگ کے لیے تیار ہیں، ہم نے ابھی تک ہدف کا کامیابی سے تعاقب کیا ہے تاہم اگر آج فائنل میں ہم ٹاس ہار گئے تھے ہم پہلے بیٹنگ کرنے کے لیے بھی تیار ہیں۔