5 سے12 سال کے بچوں کیلئے کورونا ویکسین مہم کا آغاز کل سے ہوگا

تفصیلات کے مطابق قومی ادارہ صحت کی جانب سے 5  سے12 سال کے بچوں کو  کورونا ویکسین لگانے کی اپیل کی گئی ہے ، بچوں کو کورونا سے بچانے کے لیے ویکسینیشن  کرانا ضروری ہے۔

مہم کے دوران پنجاب، سندھ اور اسلام آباد میں بچوں کو کورونا ویکسین لگائی جائے گی ۔ 19 ستمبر سے شروع ہونے والی  ویکسینیشن مہم 24 ستمبرتک جاری رہے گی ۔

اسکولوں میں  ویکسین والدین کی رضا مندی سے لگائی جائے گی۔ والدین بچوں کو قریبی ویکسینیشن سنٹرز سے بھی ویکسین لگوا سکتے ہیں۔

pic.twitter.com/qzpvPpjJ9J

— NIH Pakistan (@NIH_Pakistan) September 18, 2022

بچوں کو بھی کورونا ویکسین کی دو ڈوز لگائی جائیں گی ۔  دوسری خوراک پہلی خوراک کے 21 دن بعد لگائی جائے گی۔

بچوں کی ویکسینیشن کیلئے نادرا میں اندراج کرانا ضروری ہوگا اور ب فارم کے ذریعے بچوں کی ویکسینیشن کی انٹری کرائی جائے گی۔