وزیراعظم کی جاپان میں سمندری طوفان سے تباہی پرعوام ،حکومت سے اظہار ہمدردی

تفصیلات کے مطابق سماجی رابطے کی ویب سائٹ ٹوئٹر پر پیغام میں وزیراعظم شہباز شریف نے  کہا کہ اس سمندری طوفان سے ظاہر ہوتا ہے کہ موسمیاتی تبدیلی کسی ایک مخصوص طریقے پر نہیں چلتی بلکہ یہ کسی بھی ملک میں تباہی لاسکتی ہے۔

 انہوں نے کہا کہ ضروری ہے دنیا اس بلا کی ہولناکیوں سے مقابلے کیلئے اٹھ کھڑی ہو۔

I express my sincere sympathy to the people & government of Japan who are facing the ravages of Hurricane Nanmodal. Only goes to show that climate change does not follow a linear pattern & can bring disaster to any country. The world needs to wake up to horrors of this monster.

— Shehbaz Sharif (@CMShehbaz) September 19, 2022

واضح رہے کہ  جاپان میں سمندری طوفان نان ماڈول کے پیش نظر انتظامیہ نے 30 لاکھ افراد کو گھر بار چھوڑ کر محفوظ مقام پر منتقل ہونے کا حکم دے دیا ۔ 

مقامی میڈیا کے مطابق جاپان کی موسمیاتی ایجنسی ’’جے ایم اے‘‘ نے خبردار کیا ہے کہ  تیز ہواؤں، طوفانی لہروں اور موسلادھار بارشوں کا سبب بننے والے نان ماڈول سے ایسے خطرے کا سامنا ہے جس کی ماضی میں نظیر نہیں ملتی ، طاقتور طوفان کے باعث سیلاب، لینڈ سلائیڈنگ اور کئی مکانات گرنے کا خدشہ ہے۔