پتنگ کی قاتل ڈورنوجوان کی جان لے گئی

تفصیلات کے مطابق پنجاب میں پابندی کے باوجود پتنگ بازی کا سلسلہ تھم نہ سکا، سیالکوٹ کے علاقے شہاب پورہ فیکٹری ایریاگول کینٹین کے پاس موٹرسائیکل سوار18سالہ  ذیشان  گلے میں ڈور پھرنے کے باعث موقع پر  دم توڑگیا۔ مقتول ذیشان اپنے بھائی  کو فیکٹری چھوڑ کے گھر واپس جا رہا تھا۔ ریسکیو 1122 نے کاروائی کے بعد لاش لواحقین کے حوالے کر دی۔

واضح رہے کہ پنجاب حکومت نے  صوبے بھر میں بسنت منانے پر مکمل پابندی عائد کررکھی ہے ۔

خیال رہے کہ پنجاب کے روایتی تہوار بسنت کو منانے پر گزشتہ 14 سال سے اعلانیہ پابندی عائد ہے۔ آخری مرتبہ بسنت کا تہوار 2007 میں منایا گیا تھا۔ بسنت فیسٹول  ہر سال  فروری کے دوسرے ہفتے   منایا جاتا تھا ۔