نسیم شاہ کی طبیعیت  ناساز ، ہسپتال منتقل

ذرائع کے مطابق فاسٹ بولر نسیم شاہ بخار کی وجہ سے شدید کمزوری کا شکار ہیں ، انہیں  مقامی اسپتال منتقل کر دیا گیا ہے جہاں ان کے مختلف ٹیسٹ کرائے گئے ہیں۔

ذرائع کا کہنا ہے کہ فاسٹ بولر کا ڈینگی ٹیسٹ بھی کرایا گیا ہے۔ 

ذرائع کا مزید کہنا ہے کہ طبیعت کی ناسازی کی سبب نسیم شاہ کے آج کا میچ کھیلنے کے امکان بھی ختم ہوگیا ہے ۔ سپنر ابرار احمد کی پانچویں ٹی ٹوئنٹی میں ڈیبیو کا امکان ہے جبکہ عثمان قادر کو آرام کروائے جانے کا امکان ہے ۔ 

دوسری جانب پاکستان کرکٹ بورڈ کی جانب سے باضابطہ طور پر تاحال ان کی طبیعت کے حوالے سے کچھ نہیں بتایا گیا ہے۔

واضح رہے کہ پاکستان اور انگلینڈ کے درمیان پانچواں ٹی ٹوئنٹی انٹر نیشنل آج شام قذافی اسٹیڈیم لاہور میں کھیلا جائے گا۔

اس سے قبل کراچی میں ہونے والے چار میچوں کے بعد سیریز دو دو سے برابر ہے۔