سیلاب سے متاثرہ علاقوں میں روزانہ کی بنیاد پر 16 ہیلتھ کیمپس لگائے جا رہے ہیں : عبدالقادر پٹیل

تفصیلات کے مطابق وفاقی وزیر برائے قومی صحت  نے کہا کہ خیبرپختونخوا ، سندھ ، بلوچستان اور پنجاب میں 47 ہیلتھ کیمپس کا انعقاد کیا گیا ہے خیبرپختونخوا کے 8 اضلاع میں 16 ہیلتھ کیمپس لگائے گئے ہیں ۔

پنجاب کے دو اضلاع میں 4 ہیلتھ کیمپس کا انعقاد کیا گیا ہے جبکہ بلوچستان کے 7 اضلاع میں 14 ہیلتھ کیمپس لگائے گئے ہیں ۔  سندھ کے 10 اضلاع میں 13 ہیلتھ کیمپس کا انعقاد کیا گیا۔ مجموعی طور پر5574 مریضوں کو طبی امداد فراہم کی گئی ۔

عبدالقادر پٹیل نے کہا ہے کہ پانچ سال سے کم عمر 1084 بچوں کو طبی امداد فراہم کی گئی ۔ ہیلتھ کیمپس میں 625 بچوں کو پولیو کے حفاظتی قطرے دیئے گئے جبکہ ہیلتھ کیمپس میں 262 بچوں کو حفاظتی ٹیکے بھی لگائے گئے۔