ہارس ٹریڈنگ سے متعلق عمران خان کی ایک اور مبینہ آڈیو لیک سامنے آگئی

چئیرمین پی ٹی آئی عمران خان کی ایم این ایز کی خرید وگروخت کے معاملے پر  ایک اور مبینہ  آڈیو لیک ہو گئی ۔ آڈیو میں عمران خان کو یہ کہتے سنا جا سکتا ہے کہ اس سے بڑی چیزیں ہورہی ہیں ، میں اپنی طرف سے کئی چالیں چل رہاہوں ، ہم اسے پبلک نہیں کرسکتے، 5ایم این ایز تو میں خرید رہاہوں ، وہ پانچ بہت اہم ہیں ، اسے کہیں اگر وہ پانچ اور کر دے نا تو دس ہوجائینگے، تو یہ گیم ہمارے ہاتھ میں ہے ۔   

چیئرمین پی ٹی آئی عمران خان کی لیک ہونے والی آڈیو میں کہا گیا ہے  کہ آپ کو یہ بڑی غلط فہمی ہوگئی ہے کہ نمبر گیم پوری ہوگئی ہے ،یہ نمبر ایسا ہے نہیں ، ایسا مت سوچیں کہ سب ختم ہوگیا ،  اب سے لیکر 48 گھنٹوں بہت اہم ہیں ، اس میں بڑی چیزیں ہورہی ہیں ،کئی چالیں چل رہا ہوں جو پبلک نہیں کرسکتے۔

مبینہ آڈیو میں کہا گیا کہ  اس وقت قوم الارم ہوئی ہوئی ہے ، لوگ چاہ رہے ہیں کسی طرح ہم جیت جائیں  ، کوئی فکر نہ کرے یہ غلط ہے یا ٹھیک ہے کوئی بھی حربہ ہو، ایک ایم این اے بھی توڑ دیتا ہے نا تو ہمیں بڑا فرق پڑے گا۔

میں اپنی طرف سے کئی چالیں چل رہا ہوں، عمران خان کی ایک اور مبینہ آڈیو لیک#GNN #GNNupdates #BreakingNews #audioleak pic.twitter.com/g1ZZivtXEL

— GNN (@gnnhdofficial) October 7, 2022