محمد رضوان   پلیئر آف دی منتھ قرار

تفصیلات کے مطابق پاکستان کے وکٹ کیپر اور بلے باز  محمد رضوان نے انٹرنیشنل کرکٹ کونسل (آئی سی سی) کے پلیئر آف دی منتھ ہونے کا اعزاز اپنے نام کر لیا ۔

محمد رضوان کو ماہ ستمبر کا آئی سی سی مین پلیئر آف دی منتھ قرار دیا گیا ہے ۔ محمد رضوان ایشیا کپ اور انگلینڈ کے خلاف ٹی ٹوئنٹی سیریز میں 553 رنز بنا کر پلیئر آف دی منتھ قرار پائے۔

محمد رضوان ٹی ٹوئنٹی رینکنگ کے نمبر ون بلے باز کا اعزاز بھی رکھتے ہیں ۔ 

دوسری جانب بھارت کی ہرمن پریت کور کو آئی سی سی ویمن پلیئر آف دی منتھ قرار دیا گیا ہے۔

واضح رہے کہ آئی سی سی نے پلیئر آف دی منتھ کے لیے پاکستان کے وکٹ کیپر بیٹر محمد رضوان، آسٹریلیا کے کیمرون گرین اور بھارت کے اکسر پٹیل کو نامزد کیا تھا۔