ملک بھر میں  خصوصاً سیلاب متاثرہ علاقوں میں انسداد پولیو مہم کا آج سے آغاز

تفصیلات کے مطابق یہ مہم پنجاب کے چودہ اضلاع میں شروع کی جارہی ہے جن میں لاہور، راولپنڈی، فیصل آباد، میانوالی ، خوشاب ،سیالکوٹ ،بہاولپور، بہاولنگر ،لیہ ، ملتان، مظفرگڑھ، رحیم یارخان، ڈیرہ غازی خان اورراجن پورشامل ہیں۔

اس مقصد کے لئے 97 ہزارسے زائد پولیو ورکرتعینات کئے گئے ہیں۔

سندھ میں اس مہم کے دوران تقریباً 65 لاکھ بچوں کو پولیو سے بچائو کے قطرے پلائے جائیں گے۔ 

خیبرپختونخوامیں تین روزہ انسداد پولیو مہم اٹھائیس اضلاع میں شروع ہوگی ۔ بلوچستان میں پانچ سال تک کی عمر کے سترہ لاکھ بچوں کوپولیو سے بچائو کے قطرے پلائے جائیں گے۔