ٹی ٹوئنٹی ورلڈ کپ : آسٹریلیا اور سری لنکا کی ٹیمیں آج مدمقابل ہونگی 

تفصیلات کے مطابق  ٹورنامنٹ  کا 19 واں  میچ پرتھ میں پاکستانی وقت کے مطابق شام 4 بجے شروع ہوگا ۔

دفاعی چیمپئن آسٹریلوی ٹیم کو مایہ ناز بلے باز آرون فنچ لیڈ کر رہے ہیں جبکہ آئی لینڈرز کی قیادت داسن شاناکا کر رہے ہیں۔

گروپ ون کا یہ میچ آسٹریلیا کے لیے اہمیت کا حامل  ہے کیونکہ   اُس کو پہلے میچ میں نیوزی لینڈ کے خلاف 89 رنز کے بڑے مارجن سے شکست ہوچکی ہے۔

دوسری جانب سری لنکن ٹیم نے اپنے پہلے میچ میں آئرلینڈ کو 9 وکٹ سے مات دے کر 2 پوائنٹس حاصل کر رکھے ہیں۔

واضح رہے کہ میگا ایونٹ کا پہلا سیمی فائنل میچ 9 نومبر کو سڈنی میں کھیلا جائے گا ، دوسرا سیمی فائنل میچ 10 نومبر کو ایڈیلیڈ میں کھیلا جائے گا .

میگا ایونٹ کا فائنل میچ 13 نومبر کو ایم سی جی ،میلبورن میں کھیلا جائے گا۔